Presentación de Engurras

Engurras narra a tenra historia de amizade entre dous anciáns, Emilio e Miguel. Emilio, recén chegado á residencia, comparte cuarto con Miguel, un veterano que lle axuda a integrarse, dándolle a súa particular visión sobre as regras, as rutinas, os residentes e os espazos do seu novo domicilio.

Pero a súa memoria empeza a borrarse a pesar dos seus intentos de contrarrestar ou ocultar os efectos da enfermidade. Enrugas conta con precisión e dende unha ollada intimista, non exenta de dureza, esa batalla contra a vellez ata que as súas páxinas se volven totalmente brancas. Unha conmovedora historia, que mereceu o Premio Nacional de banda deseñada en 2008 e que conta xa con adaptación ao cine. 

Obradoiro de banda deseñada con Xosé Tomás

Dentro das actividades paralelas que deseñamos dentro do club de banda deseñada, esta mañá visitounos o ilustrador e debuxante Xosé Tomás.

A súa obra sitúase na ilustración infantil e xuvenil, con títulos como O caderno azul (Xerais, Vigo), El niño que tenía miedo de los robots / El robot que tenía miedo de los niños (Edebé, Barcelona) María é Maior (Baía, A Coruña), O pirata Metepata (Baía, A Coruña), Sabeliña e os ratos (Galaxia, Vigo), Animalia e outros moitos...

Tamén é autor da novela gráfica Nómades (Galaxia), onde as mulleres son as protagonistas de diferentes historias cuxa temática vai do desarraigo, a explotación, a incomprensión ou o desamparo, aínda que ao final sempre pode encontrarse un sopro de esperanza. Esta precisamente foi a primeira lectura coa que iniciamos o club Lendo o Mundo deste curso.

O obradoiro artellábase en dúas partes:

Unha primeira que servía de introdución e de coñecemento dos elementos indispensables da banda deseñada. Dende os inicios de contar historias a partir de debuxos ata a importancia da elipse, das liñas cinéticas, dos estereotipos e das diferentes formas que poden adoptar as viñetas.

Na segunda parte do obradoiro, o alumnado tivo que poñer en práctica todo o aprendido.

Unha mañá moi proveitosa para todos.

Falando de María

Para o nadal tiñamos unha tarefa encomendada, ler o libro de María e mais eu para compartir todo aquilo que nos parecera e poñer enriba da mesa as nosas opinións e tamén as emocións que o libro deixou en nós.

A modo de xogo, recortamos algunhas das viñetas do libro para así cada un de nós explicar que tiñan que ver coa protagonista e con todo o que nos quería contar o autor.

Descubrimos a importancia dos pictogramas para as persoas con autismo e tamén nos fixeron graza moitas das situacións ás que se ten que enfrontar María e o seu entorno no día a día.

Para nós é un libro non só recomendable senón tamén necesario para todo o mundo e coa súa lectura pasas moi bos momentos.

 

Para rematar este post deixámosvos cunha canción de Kevin Johansen que se titula Everything is falling into place (Todo está caendo no seu lugar). A música deste tema asalta ao pai de María cando a ve concentrada deixando caer entre as mans os grans de area que recolle na praia.

 Everything is falling into place/ Todo está caendo no seu lugar
Sei que soa mal / E non teño a cara

Pero ultimamente todo / está a quedar no seu lugar

Sei que soa parvo / Pero non é ningunha deshonra

Séntese tan condeadamente boa / Para estar fóra da carreira

Sei que soa estraño / a sentirse realmente libre

Pero, como pode queixarse

Se se trata da forma en que está destinado a ser

Vostede sabe que ten un corazón pop / Que máis podo dicir?

Encántame unha canción sinxela / que ninguén pode xogar

Ver esta nena / Ela é de 7 anos (4 na foto)

Vostede escoita cantar / e escoitar a súa alma

Entón, cal é a necesidade / Para todos nós como raza

Por que, oh! toda a cobiza / Se se foi nun día

E todo o que está caendo no seu lugar ...

(Todo o que es, todo o que es)

Sei que soa mal ...

María e mais eu.

María e mais eu é o libro escollido para iniciar  o club de lectura de 1º ciclo e tamén o será para os alumnos do club de 2º ciclo na final do trimestre.

Deixamos aquí unha ligazón ao documental que se pode ver en RTVE á carta, onde  conta a historia de María, a filla do debuxante Miguel Gallardo e que padece autismo, e a relación dos dous nunhas vacacións nas Canarias.

A viaxe de María é unha animación curta que ilustra tamén todo o que logo atoparás na lectura e coa que poderás entender mellor ás persoas autistas e ás súas familias e amigos.

 

Nómades. Presentación da obra

Logo de algún que outro contratempo,  xa que os exames e os traballos fan que esteamos ocupados de máis, conseguimos reunir a case todos os membros do club de lectura de 2º ciclo de ESO, formado por:

Brais Albarrán, Iago Alonso, Ángel Esperón, Nicolás Freijeiro, Óscar Nogueira, Arón Piñeiro, David Piñeiro, Marcos Sabor e Zoe Ribas.

Presentámoslles o libro de banda deseñada co cal iniciamos a nosa andaina lectora. Unha obra que pode servirnos para reflexionar sobre cuestións que a diario están nos medios de comunicación pero que as sentimos alleas a nós e que falan de seres humanos que sofren, que loitan e que agardan un futuro mellor.

Aquí vos deixamos un vídeo feito a partir de noticias saídas nos medios e que tratan algúns dos temas que saen no libro: a inmigración ilegal, a trata de mulleres, as guerras ou a homosexualidade.  Visionar este documento pode ser moi útil para entender logo as historias que nos presenta o  autor Xosé Tomás.

O vindeiro venres 22 de novembro continuamos!!!

Iniciamos a aventura de ler

A vindeira semana principiamos as nosas andainas lectoras e reunirémonos para presentarvos as lecturas coas que iniciamos o noso club "Lendo o mundo", centrándonos sobre todo na Banda Deseñada.

Luns 4 de Novembro: Reunión Club de  2º ciclo da ESO.

Martes 5 de Novembro: Reunión Club de 1º ciclo da ESO. 

Os libros elixidos para a primeira parte do trimestre son:

Nómades de Xosé Tomás. Editorial Galaxia

 As mulleres de Nómades son persoas que o arriscan todo para cruzar o mar polo futuro dos seus fillos; mozas e mozos que se prostitúen para enviar diñeiro á casa, coa aceptación tácita das súas familias, que “non preguntan”; mulleres que adquiren unha cualificación profesional e académica e que chegan a situarse comodamente na sociedade, pero sen que por iso sexan de todo aceptadas; anciás que se equivocan ao emigrar, porque xa é tarde para acadar a integración; empregadas do fogar sen papeis que non inspiran nin mágoa, porque son, no fondo, un problema económico e legal; e nenas que se integran, que se abren camiño con normalidade na nova sociedade e borran toda pegada dun pasado de dor e indefensión. NÓMADES é unha homenaxe ás pequenas historias íntimas.

María e mais eu de Miguel Gallardo. El Patito Editorial 

Miguel Gallardo, afeito a se comunicar visualmente coa súa filla María, quere compartilo cos seus lectores coma se nós fósemos ela e a través dos seus debuxos entendamos a súa mensaxe sinxela e breve dunha maneira inequívoca. 
Un grande atractivo deste libro é que corrixe moitos tópicos sobre os nenos con autismo, unha síndrome que se diagnostica cada vez con maior frecuencia. María non é tan distante nin tan fría, senón emocional, afectuosa, alén das peculiaridades do trastorno que padece. Todo o que María fai, ten un significado para ela. Nós tamén podemos facer máis feliz a María e a todos os nenos coma ela, sinxelamente aceptándoa tal como é: única, coma todos os demais.